മഴ  വിചാരങ്ങൾ

                                                         

പുറത്ത്  മഴ  കനക്കുന്നു ,  അകത്ത്  ഇരുളും .

ഈ  രാത്രിയിൽ  ജനാലയിലൂടെ  മഴയെ  കാണാൻ  എന്ത് രസമാണെന്നോ ??

നൂലുപോലെ  അടര്ന്നടർന്നു  ഭൂമിയിലേക്ക്‌ പതിക്കുമ്പോൾ  പ്രകൃതിയും  ഞാനും  ഒരുപോലെ  തണുക്കുന്നു .



മരച്ചില്ലകളിൽ   നിന്നും  ഇലകളിലേക്ക്  അവിടെ  നിന്നും  ചിന്നി  ചിതറി  താഴേക്കും  പതിക്കുന്ന  മഴയുടെ  സംഗീതം .

ഈ മഴയ്ക്ക്  എത്ര  ആരാധകരെന്നോ ? ഓടിട്ട  വീട്ടിലിരുന്നു  മഴയെ ആസ്വദിക്കുന്ന  പ്രിയ  A  S ; രാത്രിമഴയെ  പ്രണയിക്കുന്ന  സുഗത  കുമാരിയും ; ചലച്ചിത്ര  ലോകത്ത്  മഴയെ  അലിയിചെടുത്ത  പത്മരാജനും  അവരിൽ  ചിലർ  മാത്രം . ഈ  ഞാനും  ഇവളെ  പ്രണയിക്കുന്നു , സ്നേഹിക്കുന്നു , അനുഭവിച്ചറിയുന്നു .

കുട്ടികാലത്ത്  മഴയിൽ  തിമിർത്താടി  മഴയുടെ വരവും  അവളെയും ആസ്വദിക്കുമായിരുന്നു . പിന്നീടു, ഋതുമതി  ആയശേഷം  വീടിൻറെ  ഇറയത്തും  ഇളം  തിണ്ണയിലും  ആയി  മഴകളികൾ .  ഇപ്പോൾ  ഇങ്ങനെ   ജനലഴികളിൻ  ഇടയിലൂടെ  മഴയെ  നോക്കി  കാണാൻ  ആണ് ഇഷ്ടം .

വേനലിനുശേഷം  ശേഷം  വരണ്ട  ഭൂമിയിൽ  പെയ്തിറങ്ങുന്ന  മഴ  ജീവന്റെ  തുടിപ്പുകളെ പുനരുത്ഥാനം  ചെയ്യുന്നു .  പക്ഷെ  അവൾ ആടി  തിമിർക്കുമ്പോൾ
മഹാരുദ്രയെപോലെ  ജീവന്റെ  ശേഷിപ്പുകളെ   ഇല്ലാണ്ടാകുന്നു.

എങ്കിലും

മഴയുടെ  എല്ലാ ഭാവഭേദങ്ങളെയും  ഞാൻ  ഇഷ്ടപ്പെടുന്നു . വിക്ടർ  ജോര്ജിനെപോലെ  അവളെ  പ്രണയിച്ച്‌ ,  അവളിൽ  അലിഞ്ഞുചേരാൻ  ആഗ്രഹിക്കാറും  ഉണ്ട് .

എന്റെ  ഉള്ളിലെ  മഴനൂൽ  കനവുകൾ  അനവധിയാണ് . എണ്ണിയാൽ  ഒടുങ്ങാത്ത തുള്ളികൾ കോർത്തിണക്കിയ  ആ മഴപോലെ .........തീരാത്ത ഒരുപാട് മോഹങ്ങളുമായി , എണ്ണി  തിട്ടപെടുത്താനാവാത്ത കനവുകളുമായി  ഞാൻ ,  അല്ല  നമ്മളോരോരുത്തരും .....മഴയിൽ  കണ്ണീരിനെ  മറച്ചു,  ചിരി നമുക്ക് നല്കിയ ചാപ്ലിനെ  പോലെ, എനിക്കും മഴയിൽ  മാത്രം കരയാനാണ് ഇഷ്ടം . അപ്പൊ ഇടിയും മിന്നലും മഴയ്ക്ക് അകമ്പടിക്കാരാവുംപോലെ  ദുഖവും  കണ്ണീരും  എനിക്ക്  കൂട്ടാവുന്നു , ചില  മഴ നിമിഷങ്ങളിൽ .

അങ്ങനെ മഴയെ അറിഞ്ഞ നാൾ മുതൽ ,അവളെന്റെ ഒപ്പം നടന്ന്  എന്റെ എല്ലാമായിതീർന്നു .  ഇന്നീ  മുറികുള്ളിലിരുന്നു  മഴയെക്കുറിച്ച്  എഴുതുമ്പോൾ  ഞാൻ പറയാതെ പറയുന്നു  അവളെന്റെ  ആരൊക്കെയോ ആണ്: എന്നിലേക്ക്‌ ഇറങ്ങി എന്നെ തണുപ്പിക്കുന്നവൾ ; എന്നിൽ അലിഞ്ഞു കുളിരണിയിക്കുന്നവൾ ; എക്കാലവും ഓർമ്മയിൽ  സൂക്ഷിക്കാൻ ചില മഴ നിമിഷങ്ങൾ  തന്നവൾ ........

ഒടുവിൽ ,

ഒരു മഴ പോലെ പെയിതു  പെയിത്  അവസാനിക്കുമ്പോൾ ഏഴു വർണ്ണങ്ങളാൽ തീർത്ത  മഴവില്ലുപോലെ .....ഓർമ്മകൾ മാത്രം .....ബാക്കിയാവുന്നു  ഈ തീരത്ത് .......